أبيات القصيد - أجمل أبيات الشعر العامي

تجربة واقع

أخذت بالدنيا تجاريب ودروس
عرفت فيها صاحبي من عدوي
لا صرت طيب وما عندك فلوس
ما ينحسب لك طيب مهما تسوي
(عبدالله العنزي)

الرابح الاكبر..

الرابح الاكبر اللي فارق دياره
وبنا من الطين بيت وعاش في خلوه
لا يحمل أوزاره ولا يكشف أسراره
ولا يزعجه جاره ، ولا تفتنه حلوه !
(غازي العتيبي)

المزيد

انواع العلاقة..

معطفه غيمه وجاكيته حديقه
اه يامطول جفافي في فراقه
هو صديقي بس انا ماني صديقه
وهذا اجرم نوع فانواع العلاقه!
(سعد علوش)

المزيد

اتركني لظلي..

اتركني الله لايهينك لظلي
الوِحدة تكبّر صغار العزايم
طعم الغياب اجمل خصوصاً مع اللي
لا طول الغيبات جاب الغنايم !
(ناصر بن فهيد)

المزيد

انا غلطان..

حبيبي ليتني من قبل لا اغليك.. كنت اغليك
مثل ماليتني من قبل اعرفك, كنت اعرف لك!
اسولف لك عن همومي وكنّه شي مايعنيك
انا غلطان عندي هم؟ او غلطان اسولف لك؟
(سعد علوش)

المزيد

خلني أعيش بحب

جدد ولائي للأمل وأقتل الياس
وأفتح على بيت التلاقي دريشه
خلني أعيش بحب وأخلاص وأحساس
عمري معك واحد ومحتاج أعيشه!
(عايض الهاجري)

المزيد

يارب لاشحّت الأشيا

من الألف لين حرف اليا
من منبرك لين محرابك
يارب لاشحّت الأشيا
ماشحّت وضاقت رحابك
لوتقفل بوجهي الدنيا
ماباوقف الاّ على بابك
(عبدالمجيد الزهراني)

المزيد

النبي محمد..

يسيئون لك ماقلّبوا عاطر اوراقك
ولاشافوا بعين العقل عهدك الزاهر
ولايعرفون ان انت من طيّب اخلاقك
تردالتحية وانت في قبرك الطاهر
(فيصل فرج العتيبي)

المزيد

لقيت في صومي..

لقيت في صومي عن الهم تجنيب
بس الحزن ماجاه يومٍ يصومي
(فارس الشايع)

المزيد

نجاحك..

نجاحك لمن يحبك فرحةً كبرى
بعكس الاعداء فرحتهم من اخطاءك!
عاد انت مفروض بين الفتره والاخرى
تحاول انّك تطيب خاطر اعداءك !
(سلطن بن عباس)

المزيد

بيت مختار

فتق غول الجروح وباقي جروحي تساومني
أكابر من شغف عـزّة مباديء كنت راسمها
هدم زلزل عثا افسد ... كذا بالهون بعثرني
عبث فيني تحت وطأة ظروف(ن) كان يعلمها
قريب استسلم ولكن رقيق الشـوق فوقني
يقول اصحى (...) واقع حياتـك كيف تظلمها
وانا وش ضيّع افكاري سواهـا وانت تعرفني
بدون عيونهـا وهمس الغلا والحـب ملهمها
(مطلق نايف أبو ظهير)

شهرزاد

المزيد