أبيات القصيد - أجمل أبيات الشعر العامي

فلسفة عشق..

تعال سولف لي انا ماجيت لك حتى تنام
بي فلسفة عشق وبعد في داخلي تبرير طيش
طَنشْت لأجلك نشوة الغيم وتفاصيل الحمام
نثرت لك نص السما حنطه ونص الأرض ريش
سولف أحس الصدر منظومة مُدن وأنت الزحام
قم طِشني بأقصى سواليفك وظللني عريش
(بدر صفوق)

المزيد

أخذ الهدايا والصور

لحظه قبل لا تطلب البعد وتغيب
وتنهي معايه مرحله من حياتك
أخذ الهدايا والصور والمكاتيب
دامي خسرتك ما أبي ذكرياتك
يمكن يكون فراقنا رأيٍ مصيب
خيره .. كتبها الله جتني وجاتك
رح واترك بقلبي لك أربع معازيب
معزتك طاريك حبك غلاتك
وإن شفتني أجمع شتاتي ماهو عيب
باكر مع الأيام تجمع شتاتك
(ثامر شبيب)

المزيد

لون الحياة..

لون الحياة بنظرتي حيل داكن
عايش فقير ولقمتي ما تبيني !
الليل علّقني على الجرح لكن
الصبح نزّلني على دمع عيني
الفقر يمّه بين الاضلاع ساكن
انفض غباره بس ينفض سنيني
تعبت واحلامي بصدري تباكن
والضحك يمه صار دينه وديني !
(أحمد عبدالمحسن)

المزيد

بديت اخافك

ياللي غيابك عن الغيّاب تحتكره
أنا لو اني نسيتك كني آخونك
بديت اخافك يامستهتر على فكرة:
غيري محبين من رمشك يخافونك
من يوم حبيتك أكثر عاجز ٍ لا اكره
والكره من (حُب) لاابطى جاب مكنونك
و النادر اللي يذوق السجن في وكره
حريته معك لو ماهوب مسجونك!
(بندر بن محيا)

المزيد

انتهينا..

انتهينا وصار اكبر خطاي الوفا
انتهينا وعند الله جزاي وجزاك
ادري ان الزعل حجه عشان الجفا
ادري وقلت ابسمعها من شفاك
تختفي وانت خابر جرحنا ماخفا
كلهم شايفين الجرح وانت بعماك
(متعب التركي)

المزيد

محدن معمر

سلطان مات ومات قبله معمر
محدن بهالدنيا معمر وسلطان
(غير معروف)

المزيد

اصبر قبل ترحل

أصبر قبل ترحل نويتك بكلمه
على جنب والعلم ما فيه تأخير
قلب الهوا بالله تستر بعلمه
ولا تواخذه كانه حصل منه تقصير
ولا تشغلك نفسك بمدحه وذمه
ولا تتعبك رجلك بكثر المشاوير
دامك عرفت الغدر ماهو بسلمه
وش لازمه ياخوك كثر المعاذير
(عبدالله الحماد)

المزيد

تم الفراق

طويت صفحة حب من بعد مارحت
وتم الفراق ولاتدوّر للأسباب
ماطاب لي جرحٍ ولا بالخفاء بحت
وأوراق شعري تسكن رفوف وكتاب
ودموع عيني مانشفت بعد ما صحت
وللحزن في وجهي من الهم جلباب
لا مانسيتك لا ولو بالوصل شحت
صورة عيونك ساكنه وسط الأهداب
من عقب ماني شامخٍ للأسف طحت
لأن الحزن ثبّت على الصدر الأطناب
(فارس الشايع)

المزيد

طفاية حريقه..

الناس ما احد يبا يلحق مراده
و الحلم دايم تعريه الحقيقة
الله يسهل لك دروب السعادة
يا شاطرة يا ذكية يا رقيقة
احب فيك الطموح مع الارادة
يا بنت لكن شوفي لك طريقة
خلي الكتب و الدفاتر و العنادة
و اخذي فشنطتك طفاية حريقه
عندي شعور ان خاتمتك شهادة
اما فحلق اللهب و الا غريقة !
(فيصل بن عباد)

المزيد

ميخالف ارحل

ميخالف ارحل بس لاترحل بعيد
ميخالف اهجر بس خلك بداري
ميخالف اعشق الف عذرا من الغيد
ميخالف اجرح ، بس حاول تداري
أنا عقب فرقاك ما مرني عيد
العام ذا من كل الأعياد عاري
يا صاحبي لا تكثّر العذل وتزيد
معذور الأعمى لو مشى الليل سار
(عابرة سبيل)

المزيد