يا من يعلمني الفرح
ويفرح القلب الحزين
أشكي مرارة حيرتي
بدنيا ما ظني بتزين
واذا بدى بعيني الأمل
تجد أحزاني وتبين
روّح زماني وأنتهى
وترك لي الجرح الدفين
دنيا كفى الله شرها
تخلي كل قاسي يلين
(حمد علي الكعبي)
ياقف الفاضل تحت لوحة مرور الافضليّة!
وتعبر الفوضى مع جسر التحاشي والتغاضي !
والانانية وحب الذات سوت فوضوية
في طلوع وفي نزول وفي عمار وفي قضاضي
(سعد بن جدلان)
ياما تمنيت نظرة منه في حالي
وياما تمنيت صوته لو يناديني
واقول لاظلم علي الليل بالحالي
الله يجيبه يشتت غربة سنيني
من كثر ماكان طيفه دايم قبالي
احيان احسه معي وتضمه ايديني!
(فهد المساعد)
القلب يا ليتك تشوفه
ياللي عن الدمع تسألني
ما يرحم الوقت وصدوفه
إسكت ليا صرت تجهلني
كنّ المخاليق ملهوفه
بعض الإجابات تقتلني
اللي يبي طيب معروفه
لا عاد لا ضقت يسألني
(محمد الدبيسي)
راع البلد ياميت القلب مسجون
اضرب تهاتيه الخلا تستفيدي
ابطش ديار القوم والرزق مضمون
تصيدك الاقدار والا تصيدي
واحذر تخاف إلا الذي كون الكون
رب الفلك محيي العظام الهميدي
(بندر بن سرور)
