كل شي
وله شي
الا انت
ماعتبرك ولا شي
لا تقول شي
حافظك وعارفك !
ما يخفاني
اي شي !
(فهد الماضي)

دكتور جسمي ينتفض
تعبان جيتك مندفع
الصبر عندي منخفض
والشوق عندي مرتفع
هاتفت محبوبي ورفض
كررت لاكن مانفع
(محمد العطريز)

لولاي اكافح حبكم بالبنادول
يمدي تفجر من غلاكم دماغي
(غير معروف)

ياصاحبي ماهمني أركب شبح وإلا كيا
شيٍ يوديني عملي كل غايتي إنه حلال
وأنته حرام أنك رجل لازم يسمونك هيا
تحسب طريق المرجله رزه وكشخه بالعقال
وليا شكيت من الدهر ليته يصيبك مابيا!
كم شاعرٍ قبلي شكي وكم واحدٍ صابه هبال
(غير معروف)

هجوز ليه ما تقولي يا عم
أنا ناقص سدة نفس وغم
سين جيم وهدايا وعايزه المم
وانا وحدي وعاتل مليون هم
(محمد جنيدي)

لا تحسبني بعد فـرقاك بأموت
عندي من اشكالك ثلاثين جزمه
قدرك وصل عندي مثل جزمة البوت
وصرت بحياتي مالك ايات لزمه
وش عاد لو غنيت وسمعتني صوت
مشهد درامي وسط شاشه بلازمه
يالله توكل كرت احمر قو اوت
ماني في بعدك عايش بأي ازمه
(محمد المساعد)

دكتور سجلني غيابن على طول
ما ني بحاضر للدروس التعيسه
خليتني ما بين حاضر ومجهول
اجهل مفاهيم الكلام الرئيسه
اتعبتني بالشرح والعقل مسطول
حتى جنوني عاجز اني لأقيسه
لحول من شرحك بعد ايه لحول
انت السبب بفراق بنتن نفيسه
عطيتها روحي بها صرت مشغول
كني اسد ينطر مرور الفريسه
ادري بليت القلب بالوصف والقول
بس البلا يا ناس مـ اقدر اجيسه
تمشي بدلع واللبس يا موضة الكول
وانا شماغي شاريّه دون كيسه
يعني تناقض بيننا مو بـ معقول
هي الكلام الذرب وانا طميسه
(غير معروف)

ياليت عندي حظ و الا واسطة
و اقابل اصحاب السمو الواصلين
واكتب لهم معروض.. قصدي خارطة
عن عمري اللي ضاع مدري ضاع وين
و اجي هنا باسلوب فيه مهايطه
و أقول قابلت الملك و العلم زين
(فيصل بن عباد)

أخي مش معقول تبقى بايعني
وعايزني أقولك يا نافعني
إزَّاي والنَّاس شايفين يعني
إنَّك على جُوعي مفرقعني !
(محمد جنيدي)

الله من ضب لقيته وأنا ارميه
ضب(ن) كبير وعكرته حول مترين
ثلاث طلقات(ن) على الراس معطيه
مامات حتى فيه فرغت مشطين
ماشفت ضب(ن) في حياتي يحاليه
جحره كبير(ن) حافره بين خطين
بلشت في شيله وعجزان أذكيه
عرد اللحم ماتقطع اللحم سكين
ولاينشوي بالنار لو جيت ابشويه
امصيبة ٍ ياناس يشبع هل الصين
اثره تمساح(ن) وانا غادي(ن) فيه
امه مكون وجده العود تنين
(زاهي العتيبي)