أبيات القصيد - أجمل الأبيات الطريفة

الحبيب الخبل

ياخبلي الغايب متى تردّ للعين
متى أشوفك أو تجيني رساله
صحيح بالدنيا خبولٍ كثيرين
لكن خبالك ياحياتي لحاله
(عابرة سبيل)

النامس

ياليتني نامس واقرصك لانمت
وامص دمك يالغضي مص سن توب
أقرصك بالليل وانحاش لاقمت
وليا رجعت لنومك اجيك ماتوب
ازن فإذنك زن ما حاصل ٍ صمت
واجر موالي على كل مسحوب
مقدر على بعدك على دمك ادمنت
انا اشهد انه عندي الذ مشروب
(غريب عفيف)

المزيد

زود القهر

شربت من زود القهر كوب بنزين
واحرقت في داخل حشايا صورها
(محمد صياح الدبيسي)

المزيد

ودي ابيع القلب

ودي ابيع القلب لوكان تشليح
ابعرضه للسوق باقل الاسعار
وان ماانشرى سويت انا فيه تشريح
عند الشلنجر او بعد في ترستار
والا نطلته باالشوارع مع الريح
ياطاه مسرع او يقضم بها الفار
اصبح يعاني مثل هاك الشلافيح
كنه يقلب ياعميلي على نار
باالهندسه والطب مافيه تصليح
كثر القذايف سببت فيه الاضرار
(غير معروف)

المزيد

اسوي له جبل

حداهم لا بغى يا خذ مكاني
يبيله مشيّه وحبيّه وخبّه
لأني كل ما ذابت جباله
اسوي له جبل من شان اذبّه
(سعد علوش)

المزيد

جتنا مقبله عطلة الصيف

يامنيف جتنا مقبله عطلة الصيف
والبوك فاضي مامعي كود فكه
والناس شدت عفشها والمصاريف
تبغى تغير جوّها والمضكه
ناسٍ تبا باريس.. ناسٍ تبا جنيف
والصنف الاخر جالسٍ فوق دكه
و ناسٍ تذوق البيف من طبخة الشيف
وناس يدك تسبودها الرز دكه
نبغى نغير جوّنا بالمصاييف
مير الدراهم صابت القلب وعكه
الحظ الاقشر في حياتي كما الضيف
لاقلت روّح قال ماعنك فكه
وادلّه النفس الحزينه على السيف
والا على البيلوت تقزير صكه
(غير معروف)

المزيد

للمدخنين

لا تشرب التتن يا المملوح
يخرب ثناياك يا الغالي
ما فيه نفع ولا مصلوح
نقص في الاعمال والمالي
(غير معروف)

المزيد

احبكم

ياجعل يصدمني وانا ساري بالليل
شبح وسواقه محشش وسكران
احبكم مثل الثرى لأقبل السيل
بعد كلاه القيض والغصن ذبلان
وسقوط دمعي فوق بيض المناديل
سقوط هتلر يوم خلوه الألمان
(محمدبن الذيب)

المزيد

التحيه

من غلاك قمت أفز وأضرب تحيه
من لمحني قال مبدع في فنون العسكريه
(غير معروف)

المزيد

يابنت يو كريزي

يابنت يو كريزي انا بوي انا قود
ماهمني هرج الدنافيس فيه
ولاهمني لمياء ولا ريم و نجود
ولاهمني والله علاقه رومنسيه
وان كان نك نيمك يابنت لينة عود
فانا تراني كنق نجد العذيه
(نايف عفاس الغويري)

المزيد