البارحه وبدون موعد شخص مجهول اتصل
ليته يكررها لو آسدد عنه فاتورته
هذا وهو صوته.. بغى عقلي يطير وينهبل
وشلون اجل لو كان جوالي يطلّع صورته
(محمد بن فايز القرني)
يفز قلبي لاسمعت التيلفون
رنه تنبهني بوصول الرساله
و اقوم وفكري ماهو بيم هالكون
فكري.. وشلي منكتب بالرساله؟
وتاخذني افكاري على ذيك الضنون
و اقول يمكن افتكر ما مضاله
اثر الرساله مرسله من فودا فون
خطك بعد يومين نقطع ارساله
(احمد العويدان)
بليس يومني نخيته لقيته
والا انت يا ابن الكلب عني تخليت
هدمت قصرن في داخلي لك بنيته
اذلف تقلع مالك بداخلي بيت
غلطان لا تحسب ذراعي لويته
ولا تحسبنك غالي لا تغليت
(طلال النفيعي)
غروٍ جلس جنبي وقلت الثقل شي
يمكن تلد العين فيه عساها
على كبر رمسيس وش جابها لي
ليه جلست جنبي وش اللي حداها
يابو بدر ياليتني بيدها لي
يوم اطلبت شيشه يلامس شفاها
وليا قضت في حضنها ريّح شوي
ويدها عليه ومهتنٍ في دفاها
(عبدالله ميزان)
و انت ياللي تحجج بالهوى عطني دليله
مير ياكثر الهواويه .. ويا قل الأدله!
انت قد الحب يوم انك تجاهد في سبيله؟
و الا ظنك كل من جاهد يبي قلبي وصل له!
اعرف انك يوم تحلم في غرام المستحيله
لا تحرك لك من احساسي و لا حركت ظله
(عبير بنت أحمد)
