أبيات القصيد | مشاركات بواسطة: معانق الجرحّ

مشاركات بواسطة معانق الجرحّ

قلبك الحساس..

إذا باعك اللي مارحم قلبك الحسّاس
‏تلفّت وتلقى شمعة القلب تضوي لك
‏تعال وتذرى بين غصن الرجا والياس
‏تحت جذع صدري لين توقف على حيلك
(طلال الرشيد)

استعرض

مبطي والجفن..

مبطي والجفن يسمر مع نجمٍ سمر
وانت مافكرت حتى تلد العين فيه
قد نصحني شايبي في بدايات العمر
بارقٍ سيله مجنّبك لا تشفق عليه!
(غير معروف)

استعرض

خل اللقا

‏خل اللقا يحيِي رسوم التجاعيد
‏ياللي على باب الأماني مكانك‏
‏شابت على رجوى الملاقى مواعيد
‏حتى ذبل وردٍ شريته.. عشانك
(غير معروف)

استعرض

ماعتبّوا بابي..

حبيبي عادت أسراب الحمام وعادوا الغيّاب
وانا من كثر ماشفت الوجيه اشتقت لأحبابي
حبيبي من كثر ماشتقت لك صرت اكره الأبواب
ليا شفت الوصل..واهل الوصل ماعتّبوا بابي
(صالح السكيبي)

استعرض

تعال نشرب

تعال نشرب لضيق الوقت واحراجه
كاسٍ من الصبر فيه أعلن لميلادي
نخب الجفا فالعيون وثورة الحاجه
نخب المساكين واسم الفقر وبلادي
ياصاحبي وان بغيت تعيش قم واجه
أحلامك اللي بدت تستنزف اجهادي
(سين)

استعرض

افتحي صدر السما..

افتحي صدر السما يمكنْ اطير
عادتي لا ضاقت الدنيا كفخت ..
اترك اوجاعي عَلى قاعي واغير
في فضا محدن يجيني لا صرخت !
(غير معروف)

استعرض

جيت السحاب

جيت السحَاب ومالقيت الحبايب
شكل السما في غيبتي امطرتهم
علمي بهم يوم انهم لي قرايب
وانا الثمر وظلالهم وشْجرتهم !
(ناصر الدهمشي)

استعرض

لميت صدري ..

لو بين أصابعك يالريح أختنَق صوتي
ذريني لصمتْ يشبه صمت من راحوا
فالبرد لميت صدري وأنفتح كُوتي
غمّضت جَفني.. شفْ عاد الذي طاحوا !
(غير معروف)

استعرض

ما لمحته ..!

علموه إنّي تفقدت الوجيه
وما لمحته وأنزرع بالجُوف آه !
البكا ورّم عيونٍ ترتجيه !
حتّى خفّاقي من اللوعَه بكاه
يا رياح الشوق .. هالدفتر خذيه
باكر يمُوت القصيد وما قراه!
وعلميه أن ضاقت الدنيا عليه
صاحبه باقي هنيَّا ما نساه
(غير معروف)

استعرض

للصمت لذّه..

باب السهر ياضيقة الصدر مفتوح
تمخطري ماحولك الا عيُوني
للصمت لذّه لا غدى للوله بُوح
رغم أن صمتي مايخفف طعوني !
يا غايبه .. صُوت التناهيد مبحُوح
والا الصدى ما ملْ يجرح سكوني
لا صار باب الصدر للحزن مفتوح
مانيب لايم دمعتي ... ياعيوني !
(زايد الرويس)

استعرض