التتن دامه في الدكاكين باشريه
بريال والا بألف ماهو خسارة
يا مهبلك يا معذربه عند راعيه
من عذربه عندي بينقص وقاره
لولاه.. بوسوس وبا أمرض واباتيه
وتشوفني في كل شارع وحارة
انشهد انه حلو واللي محليه
راعيه ما تطفي مشاهيب ناره
(مطلق ناصر الهاجري)
كافي الليالي زود همٍ وهوجاس
الوقت راح وباقي العمر مطرود
من صارع الدنيا على كل مـرواس
لابد ما تخذلـه خـلان وعضـود
ومن لا يعذر الناس ما يبخص الناس
للطيب حد .. وللردى ماله حـدود
ومن لا يعرف الدرب من وين ينداس
إما يضيع او ياجد الدرب مسدود
(بدر بن عبدالمحسن)