التتن دامه في الدكاكين باشريه
بريال والا بألف ماهو خسارة
يا مهبلك يا معذربه عند راعيه
من عذربه عندي بينقص وقاره
لولاه.. بوسوس وبا أمرض واباتيه
وتشوفني في كل شارع وحارة
انشهد انه حلو واللي محليه
راعيه ما تطفي مشاهيب ناره
(مطلق ناصر الهاجري)
حبيبتي أحلى البياض
وأحلى السمار
بالحيل مجبور ما أخفي شعور
إني احب الشمس ولفتاتها
إني اعشق الليل ونظراتها
ياناس أنا معذور
في حبيبتي والشمس
(بدر بن عبدالمحسن)
الناس تمد الامنيات لاخر يــــوم
والموت يقطع بقسوته حبل الاماني
لو يدري الواحد منا بهذا اليوم
ما كان عاش مرتاح حتى ثوانـــي
بتفكيرنا نسبح في البحر ونعـوم
وننسى حقوق خالقنا عند المواني
(غير معروف)
اذا على بالك .. بيهزمني اهمالك
موت الغرق ابرك ولا اضما على جالك
ما طحت من جنة اذا طحت من عينك
قدري هو قدري بفرقاك ووصالك
الجرح بالجرح وجفاك بجفا ونسيان
انا لنفسي وانت بتظلّ لامثالك
(احمد الردعان)
