واللي يكود فعل الامجاد بصباه
الي شاب لوهـي جغمه ماجرعها
والمجد صعب ويتعب النذل مرقاه
به طلعة ماكل رجل طلعها
ومن لايودك فاسعد الوقت فرقاه
ونفس تبيعك بارخص السعر بعها
(حامد بن مايقه)

الناس لو شافوا تغليك ياريم
ماكان قالوا من تغلى يخلى
ياريم بين الخلق مأنتي ابد ريم
انتي قمر خمسة عشر لا تعلى
(سعدون الغريري الشمري)

والله آلآوآمر نآقصه آمر وآحد !
تكفى يآبو متعب نبي آمر عشآق
آجمع آثنين ٍ حبوّ فبيت وآحد
وعشره تدوم سنين مآيصيبهآ فرآق
(محمد العمسي)

مو صحيح
ان اللي يفتح نافذة بيته
يدور شمس
يمكن يدوّر ريح
يمكن يبيها تقلعه لآخر مكان
وينفض اوجاعه
يا علّه يستريح!
(غير معروف)

بعيونك النجلا لقلبي تغنين
على دروب الحُب اطلق يدايه
واعطيك حُريتك قبل اتمنين
واعطي بنات الناس لاجلك عمايه
(امجد الدبيسي)

ذوبي مثل احساسك التلقائي
لاقمت اغازل مسمعك باسلوبي
تنخبوي مثل قصايد غازي
وتشعبي مثل خليل النوبي
ياليت في جوفي قلوبٍ واجد
عشان احبك في جميع قلوبي
نعم احبك حب ماهو عادي
حبٍ من اقصى خافقي مجذوبي
(ياسر التويجري)

اخر حركات التدلع والغنا
اللي اسمها مها وفالدلع مهاو
فرفورةٍ تسلف الشمس السنا
مغويه ويطرد وراها كل غاو
ان وقفت كـل شـي متباعـد دنا
وكل شي متلخبط مع الوقفه تساو
واليامشـت قال النمل الله لنا
جمال مايستوعـب ولاينتقاو
مخلوق لامنه انثنى يعني انثنى
كل الزوايا تستقيم اليا تزاو
مثال لا جاعت وطال بها العنا
كل الحلاو اللي على هـالارض جاو
هـي جايعه يارب تاكلني انا
هذي سواليف الحلاو مع الحلاو
واليا كلت اطرف حلاوه من هنا
كل الحلا يشوفهـا و يقول وااو
(سعد علوش)

هلا..من معي
أسف..من ضدي
نعم..طلباتك اوامر
لا..أكيد متأمر
اجل..عطني حريتي
طيب..اطلق صراحي
خلاص..ماعاد اسويها
ابشر..طال عمرك
هذي حياتنا كل يوم
ترا الجدران لها أذان
وانت عندك اهل وإخوان
لا تضر نفسك وتضرنا
وبكرا نصير عدوان
أنا قاعد اكلم من
إيه صح احبابنا
الشجعان
على شعبهم المهان
(نواف الفهد)

من مات مات وسجت الناس عنه
إلا العمل يبقى على طول موجود
في الآخرة..ما غير نارٍ وجنة
لا عاد به نقصٍ ولا عـاد به زود
(محمد بن فطيس)

الشوقَ ذابحنيَ من الامسَ لليوم
والدمعَ عندي واصلن كلَ حده
عجزت اضيع وقتَ ذا اليوم في النوم
بس المصيبهَ كيف بكرةَ وبعده؟
(علي القوز)