شعاع يدخل الغرفة
بعد العصر
يزحف فوق سجادة
ويطلع فوق هالكرسي
ويمكن يلمس وسادة
ولحظة ما لمحته خاف
تراجع .. طاح من الكرسي
وركض قبل النهار يمسي
ورجع للشمس كالعادة!
(بدر بن عبدالمحسن)
انتظرتك عمري كله وانتي حلم
ومرت الايام والله وانتي حلم
ليه تأخرتي علي
توهي مره واسالي
كوني في غير الزمان والا في غير المكان
كوني عمري عمري كله
اللي باقي واللي كان
(بدر بن عبدالمحسن)
تبنى المراجل يا حمد لو قلت هذا ما اكبره!
داخل عيونه يا حمد بنتٍ قوي باسها
وهدم المراجل يا حمد لو قلت هذا ما اصغره!
داخل عيونه يا حمد بنتٍ و هدت ساسها
الأرض تشربنا جسد والحلم برا المقبره
الأرض جينا بلبسها باكر نرد لباسها
(سالم سيّار)
أول استبداي باسمك ياحنون
ياكريم ما تخالفه الظنون
امرك المحفوظ في كاف ونون
وانت لي في كل مغواة دليل
هيج اشواقي حمام في الغصون
بات ساجع في بديعات اللحون
بين تغريد وترجيع يهون
مادرى اني في الهوى مثله عليل
(بديوي الوقداني)
البنت من رجالها والخيل من خيّالها
والضبعة العرجا تحوم تبي عشا لعيالها
هذا من الشعر القديم ما قالها عبد الكريم
امثال من قول البدو مدري من اللي قالها
(عبدالكريم الجباري الشمري)
عرّب وليدك عرّبه
النار من مقباسها
بنت الردي لا تاخذه
لو هو طويلٍ راسها
العزّ باوراك النسا
اللي عريبٍ ساسها
والجري في ربع النضا
والخيل في أسداسها
(غير معروف)
ودي اختار الليله درب
ما تعرفه !
ودي اجلس في مكان
ما يذكرني بصدفه!
أو وعد
ودي أحكي يا حبيبي مع احد
غيرك احد
لجل النهار وحريتي
اعطيني لحظة اختيار
وحدي وغديت أنت الزحام
وحدي أبد وانت الكلام
نورك وما غيره ظلام !
(بدر بن عبدالمحسن)
ودي بك وابيك واباك وابغاك
جمعتها لرضاك واختار فيها
كانك مشكك بالوفا والغلا هاك
جوالي اقرا القائمه كل ابيها
رقمك مع الصادر ولا وارد سواك
والناس في اللي لم يرد عليها
(محمد بن فطيس المري)
