الصدق
إن الامل من قبل أعرفك كذب
و التضحيه أوهام
وإني أنا من قبل أعرفك
كنت أعرف أنام
كان السهر مو هالسهر
لعب و أغاني
بأختصار
صار السهر تفكير
صار إنتظار
صار إحتظار
صار السهر تنهدتين و نار
(طلال الرشيد)
أنتي جرحك في ساكن
وأنا جرحي برا قلبك
أمشي لو نصف المسافة
وقفي بينك وبيني
أكسري كل المرايا
أنتي أجمل وسط عيني
يا للي مشغولة بروحك
من خذا قلبك وروحك؟
هو أنا .. والا سوايا
كلنا عشاق لكن
كل واحد له حكاية!
(بدر بن عبدالمحسن)
قالوا سألتي ..عني سألتي
وأنا ما ادري ويني..ضايع ياعيني
ما ادرى وش اللي ذكرك
مقطع شعر في دفترك
والا الكلام عن صاحبك
وانت عقدتي حاجبك
قلتي كلام كله كذب
وليه اتصلتي..عنى سألتي؟
(بدر بن عبدالمحسن)
ماللرفيق إلآ رفيقه ليا أعتاز
إما نفع والا بلاش الرفاقة
أحداً لنا في مكسر الساق معكاز
وحنا له المعكاز في كسر ساقه
بعض العرب اسكب على صحبته قاز
احرق غلاه ولا يهمك فراقه !
(موسى الخثعمي)
تبسمي يا أطهر معاكيش وساع
يامن عليك مشاهد العيبه حكر
يابنت حماي الزمل ذرب الطباع
اللي ليا من زل علم ما نكر
وطي رموشك وأعلنيني لأنصياع
في وقت الأنثى تسلب حقوق الذكر
(سعد علوش)
