ودّع مصير الحي يتلاقا ولوطال البعاد
تطول ولا تقّصر الدنيا علينا دايره
ودّع مثل ما ودعـت عيني مسايير الرقاد
اللي بقا ساعه على إقفال باب الطايره
ويلي من الفرقا ومن ضيعتك وعيون العباد
لاعادك الله صيف لاربحه ولا خسايره
(علي بن حمري)
ياعيد مالك نظرة ٍ في عيوني
نـسيتني والا زماني نساني
ماقدرت أفراحك تعانق شجوني
أحزاني أكبر من كلام التهاني
حاولت أجاري فرحتك وكشفوني
لا جيت أبضحك ما استمرت ثواني
(صنيتان المطيري)
حالي بعدكم حال من يطرد الثأر
لأخوه واللي ذابح اخوه عمه
أبوه يقول النار ماتطفي النار
وامه تقول اخوك لايضيع دمه
زود على همه من الوضع محتار
يتبع كلام ابوه والا رضى امه
(محمد المهنا)
