انعكاس الضوء في خد المياه بقاع بير
يجبر الظلمى تبطل فلسفات الانتهاك
وازدراء الناس و العيشة يإقليم الحصير
ما يولد غير قال فلان( شف ذاك وهذاك)
والرفاهيه وإقصاء العمامه والبعير
تنجب الخيبه وتدعو للتفرج في عراك
(وليد المري)
أبيك الجاي من عمري, أنا مابيك شيء وراح
مدامك أجمل وآخر, مدامك أول أحبابي
أبي أرتاح ياعمري أنا أدري هم تبي ترتاح
تعال وقبل ما أفرح, ترى تفرح بك ثيابي
أحبك يابعد عمر الحزن والجرح والأفراح
أحبك كثر ما نامت عيونك داخل أهدابي
(سالم السيار)
ألآ ياطفلتي ماهو الهوى هالشارع المهجور
ولا هو ريحة غبار الوعد في أسفل ثيابك
كذب من قال ورد العاطفة ينبت بظل السور
وجبان اللي يخاف الناس لو وقف على بابك
كتب لك كل مافي الحب من عذب الكلام سطور
ولكنه عجز يا طفلتي لا يكتب كتابك
(بدر بن عبد المحسن)
