ماعاد تفرق خذاك الوقت أو جابك
في الحالتين الموت أقرب من ظلالي !
أما بموت من الوله لاطول غيابك
ولا بموت من الفرح لا شفتك قبالي !
(فهد عافت)

ليت الجفا زلّة و أدوّر لها دمح
و ليت الغرام جروح و انسى عددها
و أنا قتيل البرد يا وادي الطلح
كان المزون أضناك صاخب رعدها
(نايف صقر)

خلاص ناوي تبتعد
يا حيلة الله وش بيديني
خلاص وش باقي بعد
يا كـود لو ترحم حنيني
احتاجك الليلة معـاي
عطني يدك ثبت خطاي
لملمني و اوصفلي دواي
و من بعدها ابدا الرحيل
(تركي بن عبدالرحمن)

تعبان مني يـ أنا!؟
وإلا أنا .. مني .. تعب !؟
سؤال أعقل من جنون !
سؤال أقسى من حنون !
أنا .. أنا ...!؟
أو ..
من أكون؟
‏(بركات الشمري)

عيون الحب لايمكن تناظر
عيوب الخل لو هو عيب كله
(طلال عبدالعزيز الرشيد)

أنا اختصر كل الحكي لو تحبين
لكن أحبك موت كيف اختصرها؟
(عبدالعزيز الرميحي)

خبرتوا حد ٍ يبكي على واحد ٍ يبكيه!
وخبرتوا حد ٍ مسجون مايبغي إفراجه
أحبه ولا أبغضته على شي يسويه
ولا زالت أرقاب الرجا فيه منعاجة
عسى منزل ضمه.. حقوق الوسم تسقيه
وتضحك له الدنيا وهو يضحك حجاجه
فقد خاطري شي من الضيقة مسليه
وغدت روحي من الناس والليل هجاجة
أروح لمكان خابره.. خابره ياتيه
أسوق القدم صوبه وهي مالها حاجة
مكان نزيه وأول مواجهي له فيه
وأنا خابر مارجل مثله بدواجه
لعل وعسى ماحدني للمجي يدعيه
وأشوفه وأنا ماودي أسبب إحراجه
يحب الجريح أخر دروب اللقى ويجيه
وتحب القدم جية مكان أول مواجه
(محمد بن فطيس)

هو ليه أول حبيب تصير له ذكرى ؟
وإن جيت بعده تحبّ , تصير ماتقدر
هو ليه جرحه هو اللي بس مايبرى ؟
وجروح غيره تجي وتروح ماتذكر!
(عبدالرحمن الرويس)

تدري وش اللي ينهك القلب والروح ؟
إنك تعيش لشي .. عدك ولا شي !
(غير معروف)

يطري علي أتركك وأروح بالحالي
درب ٍ جمعنا سـوى بكره يفرقنا
ويطري علي الوجع ويروح عن بالي
جروح عمر ٍ مضى للحين تحرقنا
سنين كنها طفل مولود من تالي !
يدري بنا..نب نموت وجا يعانقنا
(عبدالله البكر)