يجيب السفر طاريك يا حي ذا الطاري
وأنا ما بين تغميض العيون ومدامعها
غريب السفر والأغرب إحساسه الناري
ياكم ناس فرقها وياكم ناس جمعها
على الرغم من كمية الكبت الإجباري
يبين شعور الناس لما توادعها!
(سعدعلوش)
ياعاشق الصمت بيبان الحكي فضه
أدخل بها يمكن الاحـزان تنساني
مض الزمن بالحكي والسالفه مضه
ما باقي الا انت..والا..مت وحداني
مابيك تذخر تعب كل التعب قضـه
مرتاح لا صرت تامرني وتنهاني
(هلال المطيري)
عفاالله عن ملذات الهوى والعشق والتخمين
وسجات الغرامَ ولذة الحب الحقيقيه
فديتك يوم تاخذني على كيفك ولا ادري وين
معك من وين ماذعذع هواك ومالت الفيه
(ضيدان بن قضعان)
حاولت أطول صدتي عنك وازريت
طاوعت بك قلبي وعقلي عصيته
وعن كل غلطاتك سمحت وتغاضيت
شيءٍ تناسيته وشيءٍ نسيته
وجيت اتعذر منك ما كنك اخطيت
يا فاتني عنك العزا ما قويته
سلمت لك روحٍ عليها تجنيت
بسياج وهـمٍ دون وصلك بنيته
(الحميدي الحربي)
تحط يدها تخاف الشمس تجهرها
من فيهم اللي بنوره يجهر الثاني
ماهمها الشمس بس تاخذ بخاطرها
تخاف لاتقول ذي جتني تحداني
مزيونة من حلاها لو تناظرها
مهما تحاول تكابر,, غصب بتعاني
(طلال العبدالله الرشيد)
