تقدم الدنيا لنا درس ٍ جديد بكل يوم
والناس تسلم من غثا الدنيا بحفظ دروسها
وعلى حسب حفظ المواجيب وتعاليم السلوم
نعرف مقاسات البشر بالمرجله ونقوسها
(محمد جار الله السهلي)
صيت الرجال الوافيه بافعالها والا الرخوم
ينبيك عنها قل نفعها وشين نفوسها
تطرد ورى الدنيا وتكشخ بالمواتر والهدوم
مثل الحريم اغلب دراهمها على ملبوسها
(محمد جارالله السهلي)
ملح المحبة
ياحبيبي زعلنا
وأحلى الحبايب
اللي دايم يغارون
الله على الفرحة
بعد مارجعنا
ماشفتوا وشلون
الوله كان مجنون !
وش فيها لو نبين دلعنا
لا قلت لك آسف
تجاوبني : تمون
(غير معروف)
أصعب سؤال اللي جوابه للأسف مثله سؤال
ما هو تفلسف الا موقف صار واسمع ثاني بيت
البارحه يومه سأل وش ذكرك ذيك الليال
كان الجواب بكل بساطه من متى اصلا نسيت
(محمد جار الله السهلي)
لي مبادي ..
وصاحبي لو جار !! منه الجور عادي
وصاحبي لو هو خذل رجواي عادي
وصاحبي لو هو بخل برضاي عادي
وصاحبي لو هو قتل ذكراي عادي
وصاحبي ، يبقى العزيز الناصع اللي له ودادي
(صالح الشادي)
