طول ثيابك واكره الطول لو زان
مهو عشان الطول يعطيك رزه
الا لان السوق فيه ازمة اكفان
جميع الاكفان ارسلت لاهل غزه
الموت واحد ما اختلف حوله اثنان
لكن موت المعركه فيه عزه
(طالب الذبياني)
انا تجرعت العطش لين احترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعالمن ماتستحق المغفره
انا اكثر انسان تعلم من كثر ماخطا وصاب
انا اخر انسان يتكلم في زمان الثرثره
(حامد زيد)
جاك الظلام وجـاك ربع ومسايير
وجاني الظلام وكل ما احب راحي
علمي بنور الشمس وقت المعاذير
قال الوداع وقلت دربك سماحي
كان الالم.. غيثٍ فدمعي محادير
وكان الندم سيلٍ فخدي بطاحي
تقول خل الهم واكفخ كما الطير
عطني سما ياخوك والوي جناحي
(بدر بن عبدالمحسن)
