أبيات القصيد - أجمل أبيات الشعر العامي

نفيض اخلاص

نفيض اخلاص نعطي من محبتنا بدون حساب
نحسب الناس كل الناس نسخة من طبايعنا
نرش الدرب للنشوان ولعينه نصير اهداب
ونبكي لابكى المجروح حر بكاه يدفعنا
نعيش اغراب بين الناس وان متنا نموت اغراب
وتنسانا العيون اللي لجل سلوانها ضعنا
غلط لكن وش الحيلة؟ طبيعة.. والطبع غلاب
نتوب وننقض التوبة ونور الصدق يتبعنا
(علي المفضي)

المزيد

قضا الحال

قضا الحال واهجر من هموم تلوفه لوف
كما لوف نبت القيظ حامي لواهيبه
من الضيقه اللي خيمت في صميم الجوف
اجامل وعيني تخطي النوم وتصيبه
تحاربت انا والحظ حرباً بدون سيوف
على مطلبن مدري متى الحظ بيجيبه
(غير معروف)

المزيد

أفضل خدمة

صدمتني مره و لا تصدمني
صدمه جديده والشعور اتعدمه
إن كانك معزّم تبي تخدمني
البعد عني هذي أفضل خدمه
(محمد الزعبي)

المزيد

الخطوة ثقيله

بروح والخطوه ثقيله يا الهوى
مع أني اليا ضقت مدري وين أروح
(محمد الزعبي)

المزيد

حاجتين

لازم العاشق ليا حب يعرف حاجتين
بالبدايه والنهايه قليل اللي سلم
البدايه حب واشواق بسمات وحنين
والنهايه هم وفراق ودموع وألم
(محمد الزعبي)

المزيد

انتقيلك

انتقيلك من سواليفي حسنها
والقصايد من غزلها...كل حلوه
وانثر العبرات والضحكات عندك
تاخذ اللي تلتقيلك فيه سلوى
وأذكر الله كل ماشاهدت حسنك
أشهد إنك فوق عرش الزين ذروه
(خالد الفيصل)

المزيد

الوقت

الوقت يسرق باقي اعمارنا سرق
مانجتمع الا وحنا نفارق
(بدر بن عبد المحسن)

المزيد

حصاني لساني

يقولون اللسان حصان..عز الله صحيح حصان
وانا ماهو مغربلني سوى ان حصاني لساني
تعدّتني كديش الخيل والرجلي سرى طربان
وانا من الظل للظلما واقول لساني حصاني
(علي السبعان)

المزيد

انتظرتك

اللي بقالي في غيابك سكوتك
واللي فقدته من غيابك حنانك
عذرك معك لو خبروني بموتك
وحقي عليك ان كان عذرك زمانك
ما كان موعد واعذرك لو يفوتك
انا انتظرت العمر كله عشانك !
(غير معروف)

المزيد

ياوجودي

ياوجودي كل ماهب نسناس الشمال
وجد من حدّه زمانه على اللي ما يبيه
وياوجودي كل مااغفيت ثم مال الظلال
لاغفت عيني ولاذقت شيٍ مشتهيه
وجد من قفى وهو في رجا كلمة تعال
والتفت من عقب مااقفى ولحداً لدّ فيه!
(ضيدان بن قضعان)

المزيد