الضيق ماهو بالسعه والمساحه
الضيق لا ضاقت بك قلوب وأرواح
والبعد عن ما تكره النفس راحه
من لا توده فارقه يوم ترتاح
والكبر لله والتكبر بجاحه
والوقت نصه جد والباقي مزاح
والصوت حشمه وارتفاعه وقاحه
كذاب من قال انطح صياح بصياح
(غير معروف)
كان حلمي في وجود إنسان يبكي لابكيت
وصار حلمي في وجود إنسان يفرح لافرحت
خذني بحضنك ابغفي ياه مبطي ماغفيت
وإن لمحت دموع عيني سو نفسك مالمحت
خذني بحضنك وبعثر في جروحي وإن قضيت
هزلي كتفي وقلي عيب تبكي لو سمحت
(فهد المساعد)
ياصديقي هاك صدري وإن لقيت
به مكانن يحمل الطعنه إطعنه
من عرفتك من طعونك ماشكيت
سهمك الطايش ارده واحضنه
كل خوفي من طعونن ماتميت
بس تحفر في جروحي المزمنه
(غير معروف)
أحبك كثر ما حب العرب زايد بن نهيان
كثر ما مر هالقلب بليالي مظلمه وشرسى
أحبك كثر ما عاشوا يتاما من كرم سلطان
أحبك من هنا للصين لليابان للنمسا
(سعد الشعلاني)
الزين ماهوب باالمكياج
والالباسٍ من الغالي
الزين معروف مايحتاج
والله لو لبس دسمالي
والشين لو يلبس الديباج
شينٍ على كل الاحوالي
والزين شوفه دوى وعلاج
لاشك هذا هوى بالي
لاصار له باالدلع منهاج
يافرحتي لو تهيّالي
والحق مابه زعل واحراج
اجهر بقوله ولاابالي
(أحمد السكران)
