لاتذكرني بحب قد مضى لي
منك انا مقوى حديث الذكريات
خلني دام الضنى والسهد سالي
لاتقلب دفتر احزان الحياة
داعي الذكرى ينادي في خيالي
والشجن يحيا بعد طول الممات
(طلال الرشيد)
جت على عزف البيانو لأحمر الورد الطروب
جت مسا مخمل وراحت مثل فجرية حرير
ما كشف سر الكرز في ثغرها غير الغروب
ولا عرف معنى العتيم بشعرها غير الضرير
جت مثل آخر سوالفنا مع انفاس الهبوب
جت وانا الله حق إلى من جت احس اني بأطير
(عبدالمحسن بن سعيد)
من عاش هالدنيا بلا صاحب وولف
عزالله إنه عاش عيشة يتامى
خل السوالف والمشاريه والحلف
مبطي وأنا على الجروح اتسامى
قلب(ن)يضيق بذكريات الهوى جلف
وقلبي مثل جـرد القفار يترامى
(متعب التركي)
