أبيات القصيد - أجمل أبيات الشعر العامي

ماهمني

ماهمني لو ضاق كوني ومافيه
الموت لامن ضاق بي صدر غالي
طاح الجمل و اللي بدا الطعن ينهيه
رغم إن مابه للخناجر مجالي
بالرغم من غدر الغضي و تجنّيه
بابقى أنا الي ما تغيّر خصالي
و باجيه ماهوب ضعف قصدي أعزيه
لأنه بيبطي ما لقا له بدالي
(ثامر الشعيفان)

المزيد

امنية

ياليت طيفك لا طرا لي على البال
دخلت في بالي عليك ولقيتك
(علي المفضي)

المزيد

أرخص الخامات

يا أرخص الخامات وش أنت من نوع
خسران شرايك وكسبان جالبك
نويت اعذر فيك والراس مرفوع
ماني ولد عمك ولا من قرايبك
أصعب عليك القرب من حبة الكوع
تسلّ بالحسرة وعضات أصابعك
نهايتك..آهات..وأحزان..ودموع
وبدايتك عنوان قصة نهايتك
لو ماتت الرغبات من شـدة الجوع
ما أطلقتها ترعى الحيا في مرابعك
(سعود الحارثي)

المزيد

شوفتك وصفه

كل الجميلات كفه وأنت في كفه
مافيه قبلك ولا بعدك جميـلاتِ
الملح في وجنتك والشهد فالشفه
حلاك ذاتي وملحك يا حـلا ذاتي
يانهر من ماك للصادي على الظفـة
شربة تبل العروق وتطفي آهاتي
جيت الطبيب وكتب لي شوفتك وصفه
بيديك وحدة كياني وأنقساماتي
(سعود الحارثي)

المزيد

الدنيا

يغيب عني ويدري صعب نسيانه
واشتاق له بس هو يشتاق لي أكثر
وإن قلت عيني طوال الليل سهرانه
يقول: طيب أنا ماقلت لاتسهر!
(زايد الرويس)

المزيد

أنا بدونك

انا بدونك ليتني يوم ما كنت
بس انت قلي كيف حالك بدوني
تستغرب اني ما سألت وين انت
ليه أسألك ما دمت داخل عيوني
(غير معروف)

المزيد

يقولون مالا يفعلون

إعتبرها هفوة إنسان أو كبوة جواد
لو بتسمح فأنت غالي ولو تجرح تمون
عِـد صداتك مروّه وطعناتك ضماد
خلّهن لا راحن طعون ولا ردّن طعون
خنجرك يستاهل الطعن ومتوني شِـداد
ومنِـك يا زين الخناجر ويا بخت المتون
(حامد زيد)

المزيد

حب احتيال

اضحك علي وحبني حتى ولو حب احتيال
واقسى علي وضمني مابين الاضلاع النحول
(عبدالله الذويبان)

المزيد

ساعدني

كانك على قولك تمنى لي الخير
ساعدني أنسى حبك اللي خذاني
خلي حياتي تنقلب كلها غير
وانسى الحبايب والزمن والمكاني
حبي لك أبلغ من كل الأساطير
ما له بقاموس الهوى وصف ثاني
لا شك أنا أشعر بالنهاية وش تصير
واحسب حساب فراقنا بالثواني
(سعود بن بندر)

المزيد

لعنبوها

لعنبوها من مشاعر
كل ماقلت اببعد
تنهمر على قلبي .. تزيد
واعود انا فيها اذوب
(عبد الرحمن بن محمد)

المزيد