نار الشوق

من شب نار الشوق ياشوق ماصاح
واللي وطاها يشرح الجيب ويصيح
لولا الغلا ما هانت النفس ياصاح
محبتي لك ما وراها مصاليح
(عبدالله العليوي)

نارد قراح الماء

نارد قراح الماء ونترك هماجه
هذا لنا مبدأ ومنهج ودستور
واللي يطفي في الغداري إسراجه
لايحتري قمراء ولا يرجي النور
(عبدالرحمن المجلي)

الدجاجة دجاجة ..

الحر يزكي .. والدجاجة.. دجاجة
وماني على بعض المقاريد مجبور
الضرس, قلعه لا تألم علاجه
لا صار ما ينفع معه طب دكتور !
(عبدالرحمن المجلي)

حال الخداديع

احذر تصير لمن وثق فيك خداع
ترى أقشر الحالات حال الخداديع
الخدع لو راعيه بالزود طماع
تراه مثل زراعة مالها ريع
(مرشد البذال)

عيشة ذيب

أعيش عيشة ذيب والراس مرفوع
وان قل مالي عز نفسي غناتي
(رشيد الزلامي)

عذب المشاريب

دنياك لوجادت بعذب المشاريب
بنكباتها من علقم المر تسقيك
خلك حكيم وحافظاً للمواجيب
واحذر عقاب اللي يميتك ويحييك
(سايل بن لافي)

جفوة السؤال

ابو خمسةٍ لا قل من قيمة ابو ريال
فابو نصف يقدر يقتل احلام ابو قرشين
مايوجعك يالسائل سوا جفوة السؤال
ليا صرت تقضي دين ظهرك بمثله دين
ولا فيه بيتٍ سالمٍ من بعض الاشكال
وهدامته قله .. وبنّايته كثريين
(علي بن حمري)

بنت شيخ

يا كم بنت هامل.. جا ولدها بطل الابطال
وكم بنت شيخٍ جا ولدها قصير ايدين
(علي بن حمري)

حبيت اسلم

كنت اتمناك لو مريت في بالك
تذكر عهود الوفا في وقتنا الخالي
وتذكر ليالي هوانا والبخت سالك
من قبل يصبح بختنا كاسد وبالي
(سليمان الشاردي)

المراجل كليفة

حاز المراجل والمراجل كليفة
إلا على اللي كل مارامها هاش
وان شاف له من جانب القوم خيفة
تلقاه للخيفه مهاجم وبطاش
(مطلق بن حميد الثبيتي)

12345الأخير ›