أبيات القصيد - أجمل أبيات الشعر العامي

ما أجي ثاني

حبيت ذاتك حب ما بعده
انسان في الحب يتحداني
مشكلتك انك ما تبي وحده
ومشكلتي اني ما أجي ثاني!
(انفال القلاف)

اراقب طيوفه..

اراقب طيوفه واتابع خطاويه
واصد عن جرح الحشا حشمةٍ له
واسامر النجمات والليل أسرّيه
مابين صمت وبوح والدمع اهله
(محمد ين فطيس)

المزيد

قولي احبك..

كلمة أحبك تحيي الحسّ لا مات
نسمة هوى .. أتهب قلبي وتهبك
لو كان من باب العدل والمساوات
لا قلت: أحبك قولي وآنا أحبك !
(محمد الظفيري)

المزيد

طيري روح..

البارحه والطير ياصاحبي طار
فكيت سبقه والتفت لي ولوّح
أقفى وأنا أطوح يديني ومحتار
أسوق رجلي في طريقي وأموّح
ياجيرة الله وش بقالي من أعذار
باللي نزع ثلث المشاعر وطوّح
ياصاحبي والله يجيرك من النار
البارحه طيري تعشى وروّح
(أورنس بن خطاف)

المزيد

لا تحقر صغارك ..

لاتحقر صغارك ..صغارك أماني
في عيون اللي يحبّك .. يا كبرها
ضحكتك هذي اللي مدّتها ثواني؟
لي ثلاث سنين وانا منتظرها
(سعد علوش)

المزيد

سواليف المحبِين

أجمل سوالِيف آلمحبين بالصمت
لا صآر كلنَ ينظر بعين مغليه
أبيك تفهمنِي و أنآ ما تكلمت
في خآطرِي لك شي مآ أقدر أحكيه
(غير معروف)

المزيد

اتركوني ..

إتركوني, والله إن ماعاد عندي مطمع
فالحياه، إلا مكان من الأوادم خالي
ودي أبعد عن ضجيج الناس وأسكت وأسمع
صوت خطواتي وأنا أمشي فالظلام لحالي
(فيصل العطاوي)

المزيد

مواعيد عرقوب

واجد ترى من يفتلون الشوارب
وواجد كلامٍ تسمعه ما تشوفه
عرقوب يقرب له وهذي التجارب
والرجل يافي لو تحدّه ظروفه
(فارس الشايع)

المزيد

موتى القلوب

ياكثرهم موتى القلوب وقلّما
تلقى من الأحياء من بالفعل حي
ترى الصفا ف الروح ماهو ف السما
اليا صفت روحك صفالك كل شي
(سعد علوش)

المزيد

رافض تصير رجال..

راحل وماشي البعد عرضه وطوله
من طبعي أكره كل كاذب ودجال
ضربت لك أسمآ معاني الرجوله
بس انت رافض انك تصير رجال
(محمد الظفيري)

المزيد