أبيات القصيد - أجمل أبيات الشعر العامي

اختر لنفسك

استكثر الحب فعيونك ولو هو قليل
واستصغره في فؤادي لو جروحي كبار
انحت من الصمت كلماتي وروحي تسيل
على الورق واشعل لك الدنيا حروف نار
(سعد الحريص)

المزيد

حيل أحبك

صدقيني حيل أحبك والوعد يوم القيامه
ويل من هو كان يكْذِب وكانت ذنوبه جريده
إتركيني لجل عينه كان لك حُبه إبتسامه
المهم إنك تكوني يا بعد ضامي سعيده
(أحمد الصانع)

المزيد

موت الحياة

عمرك اللي ما طلع لك فيه شيّ
ويش تفرق روحته من جيّته
كنت ميّت بالحياة وصرت حيّ
والحياة أحيان تصبح ميّته
(سامي العرفج)

المزيد

افتح خيالك

إذا السما سدّت عليك المنافذ
تقدر تسوّي لك سما من ترابك
إفتح خيالك مثل فتح النوافذ
طُلّ وتشوف الغيم واقف بْبابك
(محمد علي السعيد)

المزيد

الجرح منهو؟

الجرح منهو؟ كان ماهو ذاكره
شف كم طيّب ذكر لاجاها يروح
الخير نذكر ناكره عن شاكره
الناس نذكرها على قد الجروح
(سعد علوش)

المزيد

احبابنا

احبابنا قفّى بهم موت وفراق
واخواننا نادى قدرهم وراحوا
واصحابنا اللي كنهم مثل الأوراق
هزّتهم ايام الشدايد وطاحوا
(سامي العرفج)

المزيد

وشلون باصبر؟

ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار
(طلال السعيد)

المزيد

القذارة ..

القذاره ماتنظَف بالقذاره
والدواير مبتديها .. منتهيها
لاتحط الربح في جنب الخساره
واجد اشيا نشتريها مانبيها
(سعد علوش)

المزيد

رغم انتظارك..

رغم انتظارك ٲبرر غيبتك نومك
مازال عندي ٲمل فالله يجمعنا
وكِثر انتظار المكان/الورد لقدومك
حتى فصوّرنا انتظارك صورته معنا
(عدنان الثبيتي)

المزيد

يارب عفوك

يارب عفوك راحت اعمارنا ذنوب
يارب من كثر المعاصي تعبنا
نستغفرك اليا اصبح الصبح ونتوب
وإن جاء المساء ما كننا الصبح تبنا
(سامي العرفج)

المزيد