أبيات القصيد - أجمل أبيات الشعر العامي

لا خفت من موتي وإذا أرتجفت أيدّيّ
مشاعر الإيمان نادت ، وعيّت
اللي خلقني ، ما نساني وأنا حيّ
وشلون ينساني اذا صرت ميّت ؟
(حمد المشيعلي)

وحيد مالي فالليالي حيل
من بنتي فـ بالي .. وما بنتي
الساعه الحين 12 بالليل
او بالاصح .. 12 الا انتي !
(محمد الشويّب)

من الموت بغرامك : لم أجد مهرب
أسافر من ضفافك و أحضن ضفافك
أنا و الذكريات و حزة المغرب
ثلاثتنا نحبك لكن نخافك !
(خلف الضيف)

مالوم صدري ..لا أنكتم ما دام
نفسي تضايقني ، واضايقها
من كثرة الآمال .. والاحلام
مليت منها.. قبل أحققها !
(جابر علوش)

حزني غني
يملك كثير.. ومهتني
كريم ما يبخل علي
إلا إذا جيت اتركه.. يطلع: دني !
(ياسر الكنعان)

للوقت دورات وللآيام وجهين
والحظ رمعه والليالي درايش
كم فيه واحد بالزمن عايشٍ زين
وكم فيه واحد بالزمن زين عايش !
(فهد السكران)

مسكين فالدنيا وبتموت مسكين
مادام همك بس . . تعكير جوّي
لازم تعرف الفرق ما بين شيئين
أنا عدوك .. و أنت منت بعدوّي !
(جابر بن علوش)

هيا نعوّض شوقنا بالمواصيل
ناخذ من الحرمان ثارك وثاري
(سعود بن بندر)

ردي الأصل لو شفته صفالك
ترى الأيام عشرتها مصايب
ولو تعطيه من صافي حلالك
ترى الخايب على ماقيل خايب
(علي القحطاني)

أطالبك تقفي وإلى شفتك أقفيت
قمت أتبعك من غير رآي وعقيدة
(سعود بن بندر)