أبيات القصيد - أجمل أبيات الشعر العامي

يبه..

يبه كلمه وانا كل ماوحيت
كلمة يبه صديت والوقت لمته
يبه وانا لاضقت رحت وتهجيت
ركون بيت ضم حلم حلمته
يبه هناك دلتك لاتقهويت
وهناك كان يساق طيب حشمته
(‏فهد المساعد)

المزيد

قلبي سجد لك

قلبي سجد لك قبل لا يسجد حجاجي
على الثرى اللي تسامى بالنبي أحمد
قصدت مسجد نبيك نادم... لاجي
عن كل جرح وحزن وهاجس أسود
يا هل المدينة سلام كثر ما هاجي
نسيم صبح وناح الراعبي وغرد
على الذي له في عالي الفلك معراجي
نبينا اللي اصطفاه الخالق الأوحد
لاجيب طيبه تهدم برجي العاجي
ظهرت من مثل قبري عاري أجرد
(بدر بن عبدالمحسن)

المزيد

الكرامة طبع..

يامن تدوّر في الحياه السلامه
العمر مرّه والليالي ..مغانيم
صعبه عليّ اعلّمك ش الكرامه
لان الكرامه طبع ماهي بتعليم !
(سعد علوش)

المزيد

سكر جمالك

قم سو لي فنجال من كف يمناك
واحذر توقع في المعاميل كفك
اخاف لا سكر جمالك وحلياك
يفسد بهار الكيف من غير شفك
(خالد بن حامد الحبابي)

المزيد

لا تَشّتكي

لاتشتكي همومك للمخآليق
مافآدوا حآلهم كيف يفيدونك
اشتكِّ للي لاحسيت بالضيق
ربك يفرجها ومايخيب ظنونك
(شاكر الشمري)

المزيد

الأمل كذاب

قبل لا أعرف الأسباب
قفلت الباب فغيابك
لقيت ان الأمل كذاب
وعدني بس ما جابك
(ياسر حسن الجنيد)

المزيد

رثاء نايف

مرحوم يامن ذلّل الخصم سطوه
عساك بالفردوس ياوافي الأفعال
(فارس الشايع)

المزيد

شوك الورق

شوكٍ منابته الورق لا تمسه
احذر قصيدي لا يجرح اناملك
ورملٍ قصيدي..هالكٍ من يعسه
وش لك بصحرا من دخل رملها هلك
حبله طويل و نادر اللي يمسه
وده يشدك من عمس خاطرك سلك
دور كلامٍ يعجبك ما تحسه
حكيٍ خروجك منه يشبه مداخلك
و انت الحظيظ و كل همٍ تدسه
مثل المرض.. لابد في يوم يقتلك
(بدر بن عبدالمحسن)

المزيد

كل أبونا بكينا

لاعاد تطلبني ولاعاد أنا أطلبك
متساويين بكل شيٍ خذينا
أنا خذيت الوقت من شان أكتبك
وإنته خذيت عيوننا وإنعمينا
البادي أظلم ودمعتك دوم تسكبك
والشاهد الله كل أبونا بكينا
(فارس الشايع)

المزيد

ما كنت ناقص

ماكنت ناقص انخذل فيك هالحين
تلوي يميني يوم لانت عظامي
خذها من اللي به من المجد عرقين
صيت الخوال وعرق عز العمامِ
اما تقابل مدة اللين باللين
وتحفظ غلاي، وهيبتي واحترامي
وترفع مقامك عن طمان الرديين
وإلا أنا اللي عنك بأرفع مقامي
(مشاري البواريد)

المزيد