بالحلم اتعبت الخدم والسلاطين
حققت في حلمي جميع امنياتي
طقيتها عوجا وجتني على الدين
تعدّلت بالحلم كل ميَلاتي
كسبت مال وقدّروه بملايين
حبيت لي عذرا وقالت حياتي
(ماجد العبدالله الشمري)
يا حلم لا تآقف على باب طرفي
للريح في عين المُولع مهابه
تنفض رماد الجمر.. والشمع يطفي
وتنثر ملامح ضيق ما ينحكى به
اقصر ونينك واترك الليل يقفي
عمر العُوا ما سدّ جوع الذيابه
يكفي عنا.. واللي كتبناه يكفي
صِك الكتاب وفكني من عذابه
(مشاري البواريد)
يارب عونك ضاق بي كون دنياك
يارب عطفك وإستر الحال يارب
أنا شكيت الحال في قصد رجواك
أنا أبوح بضيقتي من سبب حب
أبي الصبر ثم الفرج بعد ما أنخاك
أبي الدواء لجروح ما عالجه طب
لأن الفراق طعون ومشوع وأشواك
لأن الأمل في فزعتك بس يارب
(فارس الشايع)
