الناس توّه صامت اليوم ياعمْ
وتباشرت بالصوم من عقب مدّه
وأنا عن الغالي صيامي ترى تمْ
من لي ثلاث شهور صومي أعدّه
لاشافته عيني ولاقال لي سمْ
وليا نظرت لهاتفي شفت قدّه
بالصورة اللي تنعش الروح والدم
حلفت ما أخونه ولا أبوح سدّه
(فارس الشايع)
لو جلسنا هناك عادي، وعادي لو نجلس هنا
قلت لك أحلى الأماكن، أي مكان يضمنا
الأماكن ذكريات، مثل عطر وأغنيات
مو مهم تكون حلوه، قدّ ماتعني لنا
(فهد المساعد)
أحبك كثر ما رفرف جناحي في ذرا كفك
وأحبك كثر ما بالكون بشر وقلوب كذابه
أحبك كثر ما يوقف قليبي في ذرا صفك
وأحبك كثر ما قليبي أغلق دونهم بابه
أحبك كثر ما يركع جديلك في متن كتفك
وأحبك كثر ما جرحي ينوح وأنت مخلابه
(فهد خلف الشمري)
