أبيات القصيد - أجمل أبيات الشعر العامي

ما لمحته ..!

علموه إنّي تفقدت الوجيه
وما لمحته وأنزرع بالجُوف آه !
البكا ورّم عيونٍ ترتجيه !
حتّى خفّاقي من اللوعَه بكاه
يا رياح الشوق .. هالدفتر خذيه
باكر يمُوت القصيد وما قراه!
وعلميه أن ضاقت الدنيا عليه
صاحبه باقي هنيَّا ما نساه
(غير معروف)

المزيد

غرتني الأيام..

غرتني الأيام باقبالها يوم
اثر النكوفه عند الأيام عجله
جتني لياليها على دف ونغوم
اثر الليالي بالغرابيل جزله !
(خالد الفيصل)

المزيد

الدمع و الصمت..

هو من حلاة الدمع والصمت و الآه؟
يومك تسلمني لهن كل ليله!
(فرج صبار)

المزيد

قلبه معا ربه

لا واهنيّ اللي حياته عباده
قلبه معا ربه وجسمه مع الناس
(فيصل سعد الدوسري)

المزيد

ابوك و امك

يابن آدم اللي يعصي الله هالك
لاتعتذر با ابليس لو وش سوّا
ابليس ما وسوس لك انت لحالك
بدا بابوك آدم وبامّك حوّا
(فيصل سعد الدوسري)

المزيد

طقة الكعب

طقة الكعب لا مـشت تذبحني
ويالبى القصيرة إذا لبست كعب
تتعبني تتدوخني تبهذلني
قصرها حـيل فاتن آنشهد ياعرب
قلت آبيها للصدر بس توصلني
وإن لحقـت الكتف مآبه عـتب
هي قصيرة خطيرة هي تفتني
وإأللي خلقها كلها يآناس تجذب
و يآمآدح الطول ليه بس متعني
مآورى مـديحـك تـرى إلا كـذب
لا صارت طويلة حـيل تضايقني
كآنها وآحد من ربعي كآنها شنب
(ياسر التويجري)

المزيد

لبّيه...

لبّيه قالتها وانا ماندهته
وانا قبل تنده علي قلت لبّيه
يابيه موية نيلكم ماشربته
شربت من وادي وسط نجد يابيه
ياهيه لو تفنا العرب ماتركته
والله لو افنا انا وانت يا هيه
(ماجد عبدالله الشمري)

المزيد

كلي عطيته

كلي عطيته يومه اعطاني البعض
واليوم يبغى ياخذ البعض مني
(عبدالرحمن مساعد الهذلي)

المزيد

حب روحك..

ياكثر مافي هالزمن منكسر قلب
والمشكلة كثرة وفاك و وضوحك
لا تضيّع احساسك ولا تقول بحب
اذا نويت تحب احد حب روحك!
(احمد المجاحمه)

المزيد

يكفي بعضك

يكْفي بعَضْك ان كان ما جيت كلك
عن كلك حضورك فبعْضك يوفّـي
وان كان بعْضك يالغضي ما فزعلك
صدقني إحساسـك بحبي يكفّي
(ياسر حسن الجنيد)

المزيد