أبيات القصيد - أجمل أبيات الشعر العامي

وصلت في حبك الى آخر الحب
مافيه لا قبلك ولا بعدك انسان
كل ما ولهت في غيبتك قلت يا رب
يا رب لا تقطع رجا كل ولهان !
(فهد المساعد)

يسعد صباح الورد واللي يحبَه
ويسعد صباح اللي على الورد صبَح
يوم ابتسم لي كل شي ٍ تنبَه
ويوم ٍ حضني كل عمري تصبَح
(الشريف مشاري العبدلي)

لازلت احس بتعب واعماس
يعاود البال من مده
لاباس ياخاطري لاباس
السيف مايجرحه حده !
(نايف صقر)

الروح خضراء وقلب الحسن مفتون
وأنت آخره وأوله وأنت اختصاره
يازين لولا المحبه ما امتلى الكون
شعر ومواعيد وأطفال وحضاره
(نايف صقر)

صل الفروض وزكاتك لا تخليها
واغنم شبابك قبل مايقصر العمري
لا تقول بكره عباداتي ابقضيها
ماتدري تموت والا تعيش ماتدري !
(رآشد العجمي)

لاتغيب ارجوك ياعمري أخاف !
ينتهي بي الياس داخل مسرحة !
والصباح يموت من هذا الجفاف !
وانت ماتلقى حبيب ٍ تجرحه !!
(بركات الشمري)

ودي احطك في خفوقي واخبيك
بس المصيبة كيف اصبّر عيوني
(ياسر حسن الجنيد)

الناس لا تدري ابد وش داخلك
لا صرت متضايق ولافيك فاقه
اللي سمعك اليوم بكره يجاملك
خلك كما قصر(ن) محكم اغلاقه
(هواجيس الصمت)

أكبر قهر تبني من سنين بنيان
وتشوف بنيك ماتعدى ترابك
واكبر قهر تسقي من الورد بستان
وتموت بين يديك زهرة شبابك
(الشريف مشاري العبدلي)

ما هي غريبة كان شفت القرانيس
متبرقعات في كفوف الجواري
من صادت قلوب الرجال الفواعيس
وشلون تعجز ما تصيد الحباري ؟!
(خالد القحطاني)