رقمن تحفظه ولا يحتاج تخزينه
ورقمن لو انه مخزن راح من بالك
ورقمن اليا دق في شاشتك يازينه
ماهو مميز ولكن غصب يحلالك
من حب راعيه نفرح به ومغلينه
وغصبن تبسم لو انك باتعس احوالك
(غير معروف)
قالوا أهلى وشفيك ماترقد الليل
ترى السهر ماله عواقب حميدة
كانك مريض روح واعمل تحاليل
يشرح لك الدكتور وصفة مفيدة
قلت انشدو! راع الرموش المظاليل
اليوم صار الحل والربط بيده
(غير معروف)
وربعك إلى بان الخلل فيك عافوك
أقرب قريب لك من الناس يشناك
إن كثر مالك صدقولك وطاعوك
وإن قل ما بيدك شانت حلاياك
لو تطلب الماء عندهم كان ماأسقوك
أبعد مزارك عن وطنهم ومرباك
وإن طاب حظك اصدقولك وحبوك
وإن بار كل ما يبي غير فرقاك
(سليمان بن شريم)
