أخر الأبيات المضافة

لا ضاق صدرك والليالي تحدتك
اصبر عليها والصبر زين لو طال
واحذر تدور عند الأنذال حاجتك
لا تقضي الحاجة ولا تستر الحال
واحذر تبين لأقرب الناس شدتك
لو تزعله لحظة حكت فيك الأجيال
وان صرت ضيف الناس لا تطول مدتك
غالي تجي وتروح يا طيب الفال
وان كان همك بالزمن بس لقمتك
الفول بريالين والخبز بريال
(سعد بن جدلان)

قالت مللتُكَ .. إذهب .. لستُ نادِمةً
على فِراقِكَ .. إن الحبَّ ليس لنا
سقيتُكَ المرَّ من كأسي .. شَفيتُ بها
حقدي عليك. فمالي عن شقاكَ غنى !
حسبت دنيا نعيمي فيك ماثلة
فخاب ظني فألفيتُ النعيم ضَنى
لن أشتهي بعد هذا اليوم أمنيةً
لقد حملتُ إليها النعشٌ والكفنا
قالت وقالت .. ولم أهمس بمسمعها
ما ثار من غُصصِ الحَرّى وما سَكنا
تركْتُ حجرتها .. والدفءَ منسرباً
والعطرَ منسكباً .. والعمر مُرتَهنا
وسرتُ في وحشتي .. والليل ملتحفٌ
بالزمهرير . وما في الأفق ومضُ سنا
ولم أكد أجتلي دربي على حدسٍ
وأستلين عليه المركبَ الخشِنا ..
حتى سمعتُ ورائي رَجعَ زفرتها
حتى لمستُ حيالي قدَّها اللدنا
نسيتُ مابي ... هزتني فجاءتُها
وفجَّرَت من حناني كلَّ ما كَمُنا
وصِحتُ يا فتنتي ! ما تفعلين هنا ؟
البردُ يؤذيك .. عودي ... لن أعود أنا !
(عمر أبو ريشة)

كنّ يومٍ فيه عايدتني كان الوحيد
اللي العيد بصباحه عرفت أنه وكاد
يالوحيد اللي بعيدٍ ولا كنك بعيد
وكل قربٍ غير قربك لبس معنى البعاد
ما أنت بس لفرحة العيد بك معنى جديد
أنت حتى العيد يلبس لك ثيابٍ جداد
(علي المفضي)

أبيات مختارة

مايفضح اللي يحب إلا أخر اللحظات
لا مد كفه بالوداع..وصد بعيونه
(نواف بن فيصل)

صمت وهواجس وليل وبرد ومفارق
وصوت الحطب من سمعته ما هدا روعي
يا برد قلي وانا في هاجسي ..غارق
النار هي فالحطب ؟ والا ورا ضلوعي !
(غير معروف)

حنا نحـس بموتنا.. قبل ما نموت
أموات لكن رافضتنا المقابر
بالحلم نذكر إننا..عقل وبشوت
وبالضيم ندرك إننا جيل صابر
في وضعنا نداوي الحال بسكوت
لاخابر(ن) كلمه ولا فعل خابر
صار إحتفال العاطفه..شي مكبوت
وتسكّرت كل الطرق والمعابر
شاب الأمل باللمس والشوف والصوت
من كثر ما طوّل معانا يكابر
(عبدالمحسن الشلاش)