التتن دامه في الدكاكين باشريه
بريال والا بألف ماهو خسارة
يا مهبلك يا معذربه عند راعيه
من عذربه عندي بينقص وقاره
لولاه.. بوسوس وبا أمرض واباتيه
وتشوفني في كل شارع وحارة
انشهد انه حلو واللي محليه
راعيه ما تطفي مشاهيب ناره
(مطلق ناصر الهاجري)
حبي لها ياعالم يغطي سنا الضي الكبير
حبي لها ماينوصف حبي لها فوق الخيال
ترفٍ خذا قلبي وأنا توي على حبه صغير
أضيع في وسط العشق أضيع في جال الظلال
أشوف قلبي منجرف في عشقها مالي خشير
يعوم في بحر العشق.. يعوم بأطراف الدلال
هنوف قلبي يابعد حيّي وميتي ماينير
صدري سواها شوفتك ياكامل أوصاف الجمال
(فارس الشايع)
