أبيات القصيد - أجمل أبيات الشعر العامي

قمة طويق

ناس ماتسوى على أكتافي رقت
وإنت غالي مرقبك قمة طويق !
(أحمد الصانع)

بكبر وبحب

كنت أفكر فالهوى يومي صغير
كنت أقول إنشاالله باكبر وأحب
وقبل مدة صرت أحس إني كبير
ومالقيت ألا أنت قلت أهديك قلب
ومن عشقتك صرت أنا ماني بخير
وأنجرح قلبي وماللحب طبّ
(عبدالرحمن الرويس)

المزيد

ما يستشك

ما يستشك يا حسين كـود الرديين
والا ترى الطيّب وسيع بطانه
(عبدالله بن رشيد)

المزيد

اللي توده

إلى منه جفاك اللي تودّه
ولا تدري وش الّلي عنك صدّه
تجرّع مالح العبرات واصبر
ترى كثر الشكاوى ما تردّه
وإلى من الّليالي عوّدت به
تغانم كل فايت واستردّه
حذار تنشغل بعتاب خلّك
ترى كثر العتب يمحي المودّه
(خالد الفيصل)

المزيد

في الذاكرة بنت

معي في الذاكرة بنتٍ توصيني بمشط وشال
وصـوت أمي يوصي لا تجي ربعك بخاطر عمس
وأنا أمك لاتنام بليلةٍ وأنت خلي البال
وخـل أدنى طموحك لانظرت لنجمتين اللمس
وأنا أمك لاصعدت إصعد مثل دعـوة فقير الحال
ولامنك نزلت إنزل مثل غيثٍ بيحيي غرس
(فهد عافت)

المزيد

قول آمين !

عسى ربي يعافيني ولا يبلاك قول آمين
تراني كنّي إللي واطيٍ له جمرةٍ حيّة!
(ضيدان بن قضعان)

المزيد

احبك

أحبك كثر ما رفرف جناحي في ذرا كفك
وأحبك كثر ما بالكون بشر وقلوب كذابه
أحبك كثر ما يوقف قليبي في ذرا صفك
وأحبك كثر ما قليبي أغلق دونهم بابه
أحبك كثر ما يركع جديلك في متن كتفك
وأحبك كثر ما جرحي ينوح وأنت مخلابه
(فهد خلف الشمري)

المزيد

لعيونك

ياللي بقلبي صعب حله وربطه
وياللي بعيني نهر جمر و شلال
قال الهوى يا فرحة العمر شرطه !
بنت ٍ تصير عيونها قلب رجّال
(بدر بن عبدالمحسن)

المزيد

ماعاد تفرق

ماعاد تفرق خذاك الوقت أو جابك
في الحالتين الموت أقرب من ظلالي !
أما بموت من الوله لاطول غيابك
ولا بموت من الفرح لا شفتك قبالي !
(فهد عافت)

المزيد

ليت الجفا

ليت الجفا زلّة و أدوّر لها دمح
و ليت الغرام جروح و انسى عددها
و أنا قتيل البرد يا وادي الطلح
كان المزون أضناك صاخب رعدها
(نايف صقر)

المزيد

بيت مختار

ماعاد يرضيني وفى ولا يزعلني جفى
متساوي في خاطري ظلم العرب وانصافها
ولا تاقف الدنيا على شمع الغرام اللي طفى
بعض الشموع انا اتعمد كسرها واتلافها
تعبت ادور فالقلوب البارده ليلة دفى
والقى استغلال النفوس وكذبها واجحافها
حتى اقرب العالم لو يوقف معك وقفت وفى
اصبر وتدري وش دوافع وقفته واهدافها
(عبدالله بن علوش)

الزوقري

المزيد