أبيات القصيد - أجمل أبيات الشعر العامي

فيض الغلا اللي مع عروقي يوسّمها
ادري به انه يفيض بوسط خفاقك
والروح تدري وش اللي دوم يألمها
اني حقيقه ترى مقدر على فراقك
(عبدالعزيز صالح العوض)

ان كان في صبري على ميلهم عيب
العيب تفتيش الصرر والحثولي
لا قمت تذكر في رفيقك عذاريب
وتبين عيوبه لذولا وذولي
(لافي حمود الغيداني)

أهل السلوم الطيبة والتعاليل
كنا وما زلنا مثل يوم كنا
أسلومنا ميراث جيلاً بعد جيل
أن ما رفعنا فوق .. ما نزلنا
(مقبل البلوي)

ما يلام القلب لو جض له جضة
كل ما يطري على البال ذكراها
مض سيفك يا مليح البها مضه
خل عين السحر تكثر ضحاياها
(جهيم الذيابي)

لعل شيبي ما يعاتب شبابي
كاني على الزلّه كبرت وتماديت
ولعلّي آخذ في يميني كتابي
في يوم ما تنفع لعلّي ويا ليت
(علي الضوي)

حزني على بعد المحبين موثوق
من بعدهم وأحزان قلبي خلايق
ماعاد أطيق الحمل والحمل مطبوق
يضيق به صدري وللكون ضايق
(سعد المسعودي)

رد الثنا بالشكر ماهوب تطنيش
كلمة وفا لا قلتها تبرد الجاش
ما قلت بدي شي والا مابديش
كلمه بدت من خاطري قلتها كاش
(عبدالله مرزوق المرشدي)

من بغاني على الشدة رفيق له
لا يقصر بما جوبي وما جوبه
الرفيق المهجن رفقته علة
لابس لي عباة الود مقلوبة
(سلطان الهاجري)

والله لاجنب دام لي درب تجنيب
من شرهة حشام الرفاقة خجولي
لو انها بين النحر والتلابيب
من الحيا وجهي ماهوب مغسولي
(لافي حمود الغيداني)

من لا يودك لا توده فتندم
جنِّب وخل النذل في مجلس أمه
من نم لك عند المخاليق بك نم
وركّبك عيبٍ منت حوله ويمه
(عبدالعزيز الشهيل)