أبيات القصيد - أجمل أبيات الشعر العامي

راحل وماشي البعد عرضه وطوله
من طبعي أكره كل كاذب ودجال
ضربت لك أسمآ معاني الرجوله
بس انت رافض انك تصير رجال
(محمد الظفيري)

الصبح ويّا صوتك إنتي غير
مع بحّتك، وإحساسك الحالم
بـ المختصر منّك صباح الخير
أحلى صباح الخير بـ العالم
(فهد العيباني)

ما للعتاب الا صدور المناديل
ولا وداع إلا الوداع الغصيبه
ما خفت أحبك حيل خفت اكرهك حيل
والكره من بعد المحبه مصيبة
(ناصر مناحي)

انا على استعداد اضيّـع حياتي
بالذكريات اللي لها سنين وسنين
اهم شي اني ماضيع صلاتي
وجوالي وارقام اصدقاي القديمين
(ناصر بن فهد)

ناولني اطرافك وأخذ باقيك
قلبي معلق ب اطرف اطرافك
ماهو ب من شافك تعلق فيك
من شافك ؟ تعلق ب من شافك
(سعد علوش)

من قبل لا يسبق كلامي كلامك
خذها صراحه من ضميري وفارق
احساسك الميت وقل اهتمامك
بيني وبينك سوت اليوم فارق
(عدنان الثبيتي)

هذي هي الدنيا دروس وعلاقات
بأيامها صفحات فيها كذا درس
إدرس مع العالم وخذ لك شهادات
تحصد نتاج الزرع لو يبطي الغرس
(فارس الشايع)

انا عذابي في عيونك ومنها
قومي انا انتظرك تقومين من امس
ابي العيون اللي لا قمتي كأنها
سحابتين ..أفترقت لخاطر الشمس !
(ضاري بن شافعه)

كل ما شفت الندى فوق الزجاج
أكتب أسمك .. من حبر سبّابتي
وكان يقتلني شعور الاحتياج
كلّ ما ذابت .. حروف كتابتي
(ماجد مقبل)

حبيبي خلّني ساكت، على شاني
انا مقدر اعيش الا تحت ظلّك
احبك، والكلام اللي على لساني
اخاف اقول بعضه، واخسرك كلّك
(فهد العيباني)